اسلام آباد (نیوز ڈیسک) سپریم کورٹ کے اگلے چیف جسٹس یحیٰی آفریدی نے چیف جسٹس پاکستان قاضی فائز عیسٰی کے لیے رکھے گئے الوداعی ریفرنس سے خطاب کرتے ہوئے کہا کہ قاضی فائز عیسٰی کو بہترین انسان پایا۔
جسٹس یحیٰی آفریدی کا کہنا تھا کہ جسٹس قاضی فائز عیسٰی اچھا وقت گزار کر جا رہے ہیں، چیف جسٹس سے بہت کچھ سیکھنے کو ملا، سپریم کورٹ میں چیف جسٹس قاضی فائز عیسٰی کی کمی محسوس کریں گے، چیف جسٹس قاضی فائز عیسٰی کو الوداع کہنے میں بہت مختلف احساسات ہیں، ایک طرف دکھی ہوں کیونکہ چیف جسٹس قاضی فائز عیسٰی کی موجودگی یاد آئے گی، آپ نے ہمیں ہمیشہ ہر چیز کے لیے تیار رکھا۔
ان کا کہنا تھا قاضی فائز عیسٰی احساسات رکھنے والے انسان ہیں، مسکرا کر بات کریں گے تو چیف جسٹس قاضی فائز عیسٰی کے شائستہ جواب سے آپ مانوس ہو جائیں گے، اگر آپ چیف جسٹس قاضی فائز عیسٰی کو تنگ کریں گے تو غصے میں برابری نہیں کرسکیں گے، ان کے غصے کے وقت صرف آپ کی اللہ ہی مدد کر سکتا ہے، میں نے چیف جسٹس قاضی فائز عیسٰی کے غصے کا کئی بار سامنا کیا، تجربہ اچھا نہیں تھا۔