دبئی (ڈیسک) پاکستان سپر لیگ تھرڈ ایڈیشن کے پہلے میچ میں کل دفاعی چیمپئن پشاور زلمی اور نئی ٹیم ملتان سلطان آمنے سامنے ہو نگے ، پشاور زلمی اعزاز کا دفاع کر نے کے لئے پر عزم ہے جبکہ ملتان سلطان فتح سے ایونٹ میں دبنگ انٹری کرنے کے لئے تیا ر ہے

دوورلڈ ٹی ٹوئنٹی کے فاتح ویسٹ انڈین کپتان ڈیرن سیمی کی قیادت میں پشاورزلمی پی ایس ایل تین میں اعزاز کادفاع کرے گی۔جبکہ پاکستان کرکٹ ٹیم کے سینئر  پلیئر اور سابق کپتان   شعیب ملک ملتان سلطان کی قیادت کر رہے ہیں ،

لاہور میں کھیلے گئے پی ایس ایل ٹو کے فائنل میں پشاور نے کو ئٹہ گلیڈیٹر کوشکست دیکرٹائٹل اپنے نام کیاتھا۔زلمی نے ٹورنامنٹ کے دوایڈیشنز میں سب سے زیادہ 21میچزکھیل کربارہ فتوحات حاصل کی ہیں۔آٹھ میچزمیں انہیں ناکامی کا سامناکرنا پڑا۔ان کی کامیابی کا اوسط ساٹھ ہے۔

پشاورزلمی ٹیم میں محمد حفیظ،وہاب ریاض، کامران اکمل،حسن علی،حارث سہیل،کرس جورڈن،ڈیوائن براوو،تمیم اقبال،ایون لوئیس اور آندرے فلیچر جیسے کھلاڑی شامل ہیں

جواعزاز کے دفاع کیلئے پرعزم ہیں۔پشاورزلمی اعزازکی دفاعی مہم نئی فرنچائزملتان سلطان کے خلاف افتتاحی میچ سے شروع کرے گی۔