پیرس (نیوز ڈیسک) پیرس اولمپکس 2024 کی افتتاحی تقریب میں منتظمین نے لاپرواہی کا مظاہرہ کرتے ہوئے اولمپکس کا جھنڈا ہی الٹا لہرا دیا۔
افتتاحی تقریب کے موقع پر لہرائے گئے اولمپکس کے سفید جھنڈے پر اولمپکس کا نشان الٹا ہونے پر منتظمین کو شدید تنقید کا سامنا کرنا پڑ رہا ہے۔
افتتاحی تقریب میں لہرائے گئے اولمپکس کے جھنڈے میں پانچ مختلف رنگوں کے دائروں کا نشان واضح طور پر الٹا نظر آیا۔
اولمپکس کے آفیشل نشان میں تین دائرے اوپر اور دو دائرے نیچے ہیں جبکہ افتتاحی تقریب میں لہرائے گئے جھنڈے کے دو دائروں کے نشان اوپر اور تین نیچے تھے۔
سوشل میڈیا پر صارفین کی جانب سے پیرس اولمپکس کے منتظمین کو غلطی پر شدید تنقید کا نشانہ بنایا جا رہا ہے۔
یاد رہے کہ پیرس کے مشہور دریائے سین پر رنگارنگ افتتاحی تقریب سے اولمپکس کا باقاعدہ آغاز ہو گیا۔
205 ممالک کے دستوں کی کشتیوں کے ذریعے دریائے سین میں آمد ہوئی جبکہ پیرس اولمپکس کی مشعل بھی روشن کردی گئی۔