اسلام آباد (ڈیسک) وفاقی وزیر اطلاعات ونشریات چوہدری فواد حسین نے کہا ہے کہ پنجاب اور سندھ میں ایک طویل عرصے بعد گنے کے کاشتکاروں کو ادائیگی وقت پر اور پوری قیمت ملی۔
وزیراطلاعات فواد چوہدری نے اپنے ٹوئٹ میں کہاکہ وزیر اعظم عمران خان نے اس بار گنے کے کاشتکاروں کو ادائیگیوں کو یقینی بنانے کا حکم دیا تھا ۔ انہوں نے کہاکہ پنجاب اور سندھ میں ایک طویل عرصے بعد گنے کے کاشتکاروں کو ادائیگی وقت پر اور پوری قیمت ملی انہوں نے کہاکہ اس کا براہ راست فائدہ زمیندار کو ہوا جس کے پاس اگلی فصل کیلئے وسائل میسر ہیں۔
