ٹیکساس (نیوز ڈیسک) پاکستان کے احسن ایاز نے انڈیا کے یاش بھارگوا کو شکست دے کر کولی ول اوپن اسکواش ٹورنامنٹ جیت لیا۔
امریکی ریاست ٹیکساس میں ہونے والے کولی ول اوپن اسکواش میں تھرڈ سیڈ احسن نے انڈین حریف یاش کو تین ایک سے شکست دی۔
احسن نے پہلا گیم جیتا جس کے بعد یاش بھارگوا نے کم بیک کیا تاہم تیسرا اور چوتھا گیم پاکستانی پلیئر نے جیت کر اپنے کیرئیر میں ایک اور ٹرافی کا اضافہ کیا۔
احسن کی جیت کا اسکور گیارہ چھ، آٹھ گیارہ، گیارہ تین اور گیارہ آٹھ رہا۔
قبل ازیں احسن ایاز نے سیمی فائنل میں ملائیشیا کے یئی زیان سیاو جبکہ دوسرے راؤنڈ میں آئرلینڈ کے ڈینس گلوسکی کو شکست دی تھی، اس سال احسن ایاز کا یہ پانچواں ٹائٹل ہے۔
یاد رہے کہ کولی ول اوپن اسکواش کی مجموعی انعامی رقم تین ہزار ڈالر تھی۔