دبئی (نیوزڈیسک) پاکستان ویمن کرکٹ ٹیم آئی سی سی ٹی 20 ورلڈ کپ میں شرکت کے لیے دبئی پہنچ گئی۔
کپتان فاطمہ ثناء کی قیادت میں ویمن کرکٹ ٹیم دبئی انٹرنیشنل ایئرپورٹ سے ہوٹل پہنچ گئی۔
پاکستانی ویمن کرکٹ ٹیم آج آرام جبکہ کل سے پریکٹس شروع کرے گی۔
ویمن کرکٹ ٹیم پہلا وارم اپ میچ 28 ستمبر کو اسکاٹ لینڈ کے خلاف جبکہ دوسرا وارم اپ میچ 30 ستمبر کو بنگلادیش کے خلاف کھیلے گی۔
پاکستان ویمن کرکٹ ٹیم آئی سی سی ٹی 20ورلڈ کپ کا افتتاحی میچ 3 اکتوبر بروز جمعرات کو سری لنکا کے خلاف کھیلے گی۔
پاکستانی ویمن کرکٹ ٹیم کا 6 اکتوبر بروز اتوار کو روایتی حریف بھارت سے مقابلہ ہوگا۔
پاکستانی ویمن کرکٹ ٹیم تیسرا میچ 11 اکتوبر بروز جمعہ آسٹریلیا اور چوتھا میچ 14 اکتوبر بروز پیر نیوزی لینڈ کے خلاف کھیلے گی۔
ویمنز کرکٹ ٹیموں کے ٹی 20 ورلڈ کپ کے لیے آئی سی سی نے آفیشل سونگ جاری کردیا۔