لاہور ( ڈیسک) پاکستان ویمنر کرکٹ ٹیم نے بنگلادیش کرکٹ ٹیم تیسرے اور آخری ٹی ٹوئنٹی میں شکست دے کر سیریز 0-3 سے اپنے نام کر لیا
پاکستان ویمنز کرکٹ ٹیم نے ہوم گراونڈ پر تاریخ رقم کرتے ہوئے بنگلہ دیش ویمنزکے خلاف کلین سوئپ مکمل کردیا۔ تیسرے اور آخری میچ میں گرین شرٹس نے 28رنز سے کامیابی حاصل کرکے خود کو ریکارڈ بک کا حصہ بنایا۔
قذافی اسٹیٹیم لاہور میں کھیلے گئے ٹی ٹوئنٹی سیریز کے تیسرے اور آخری میچ کا ٹاس پاکستان نے جیت کر پہل بیٹنگ کرتے ہوئے مقررہ اوورز میں 7 وکٹ پر 117 رنز اسکورکیے، جویریہ خان نے 48 گیندوں پر 54 رنز کی شاندار اننگز کھیلی۔ بنگلادیش کی جانب سے جہان آرا عالم نے 3 وکٹ اپنے نام کیں اور رومانہ احمد 2 کھلاڑی کو آوٹ کرنے میں کامیاب ہوئیں۔
ہدف کے تعاقب میں بنگلادیشی ٹیم مقررہ 20 اوورز میں 8 وکٹ پر 89 رنز ہی بناسکی اور یوں پاکستان نے میچ 28 رنز سے اپنے نام کرلیا، بنگلادیش کی جانب سے نگار سلطانہ 30 رنز بناکر ٹاپ اسکورر رہیں۔ پاکستان کی جانب سے صبا نذیر اور انعم امین نے 2،2 کھلاڑیوں کو آؤٹ کیا۔
جویریہ خان کو شاندار اننگز کھیلنے پر ویمنز آف دی میچ سے نوازا گیا جب کہ بنگلادیش کی جہان آرا عالم کو ویمنز آف دی سیریز دیا گیا۔
