اسلام آباد(ڈیسک) پاکستان جوڈو فیڈریشن نے کورونا وائرس کی وبا کی وجہ سے پشاور میں آئندہ ماہ ہونے والی جوڈو چیمپئن شپ ملتوی کر دی۔
پاکستان جوڈو فیڈریشن کے نائب صدر مسعود احمد خان کی جانب سے جاری تفصیلات کے مطابق چیمپئن شپ شیڈول کے مطابق 8سے12اپریل تک پشاور میں کھیلی جانی تھی تاہم کورونا وائرس کی وبا کی وجہ سے فیڈریشن نے ایونٹ ملتوی کر دیا ہے، صورتحال بہتر ہونے کی صورت میں ایونٹ کے نئے شیڈول کا اعلان بعد میں کیا جائے گا۔انہوں نے کہا کہ کہ کھلاڑیوں کی صحت اور حفاظت اولین ترجیح ہے جس پر کسی بھی قیمت پر سمجھوتہ نہیں کیا جاسکتا۔
