سینٹ لوسیا(ڈیسک)ویسٹ انڈیز اور آسٹریلیا کی کرکٹ ٹیموں کے درمیان پانچ ٹی۔ 20 انٹرنیشنل میچوں پر مشتمل سیریز کا پہلا میچ ہفتہ کو گراس آئیلٹ، سینٹ لوسیا میں کھیلا جائے گا۔

آسٹریلوی ٹیم ان دونوں دورہ ویسٹ انڈیز پر ہے جہاں وہ پانچ ٹی 20 اور تین ون ڈے انٹرنیشنل میچوں کی سیریز کھیلے گی۔ ویسٹ انڈین ٹیم کیرن پولارڈ کی قیادت میں میدان میں اترے گی اور اسے کرس گیل، ایون لوئس، ڈوئن براوو، اینڈرے رسل اور فیڈل ایڈورڈز کی خدمات حاصل ہوں گی۔ آسٹریلوی ٹیم کو ایرن فنچ لیڈ کریں گے جبکہ دیگر نمایاں کھلاڑیوں میں مچل سٹارک، جوش ہیزلووڈ، میتھیو ویڈ اور مچل مارش شامل ہیں۔ سیریز کا دوسرا ٹی 20 میچ 11 جولائی، تیسرا میچ 13 جولائی، چوتھا 15 جولائی جبکہ پانچواں اور آخری ٹی 20 میچ 17 جولائی کو کھیلا جائے گا۔ تمام میچز گراس آئیلٹ میں کھیلے جائیں گے۔ واضح رہے کہ دونوں ٹیموں کے درمیان تین ون ڈے میچوں کی سیریز 20 جولائی سے شروع ہو گی۔