اسلام آباد(ڈیسک)اداکارہ سجل علی اور احد رضا میر کی ویب سیریز دھوپ کی دیوار کا پہلا ٹریلر جاری کر دیاگیا ہے۔

جس میں سجل علی سارہ اور احد رضا میر ویشال کا کردار ادا کر رہے ہیں۔ ٹریلر میں سجل علی اور احد رضا میر کے والد جنگ کے دوران دنیا میں نہیں رہتے اور پھر دونوں ایک دوسرے کی محبت میں گرفتار ہو جاتے ہیں جس پر ان کے گھر والے ان سے ناراض ہوتے ہیں اور انہیں یہ بتاتے ہیں کہ وہ ہمارے دشمن ہیں ۔ سیریز کی کاسٹ میں سمیعہ ممتاز، زیبب رحمان، سویرا ندیم، ثمینہ احمد، عینی زیدی، منظر صہبائی، عالے خان، رضا تالش،عدنان جعفر، پارسا منصور، زویا ناصر، زارا ترین، سمیع خان اور انوشے رانیا خان شامل ہیں۔سیریز کے ہدایت کار حسیب حسن جبکہ اس کی کہانی نامور ڈرامہ نگار عمیرہ احمد نے تحریر کیا ہے۔جو 25جون کوزی 5پر نشر کی جائے گی۔