اسلام آباد (ڈیسک) وزیر اعظم محمد شہباز شریف نے نگران وزیر اعلی پنجاب بننے پر محسن نقوی کو مبارک دی ہے۔
پیرکووزیراعظم آفس کے میڈیاونگ سے جاری بیان کے مطابق وزیراعظم نے کہا کہ الیکشن کمیشن نے آئین اور قانون کے مطابق نگران وزیر اعلی کے تقرر کا فیصلہ کیا۔
الیکشن کمیشن کے فیصلے کا خیر مقدم کرتے ہیں، امید ہے شفاف، آزادانہ اور غیرجانبدارانہ انتخابات کے تمام تقاضے پورے ہوں گے ۔
وزیراعظم نے امید ظاہر کی کہ محسن نقوی آئین کے تقاضوں کے مطابق اس ذمہ داری میں سرخرو ہوں گے، میری دعا ہے کہ وہ اس آئینی و عوامی فرض میں بطریق احسن کامیاب ہوں۔
وزیراعظم نے کہا کہ پاکستان مسلم لیگ (ن) کے صدر کے طور پر آپ کی تقرری کا خیرمقدم کرتا ہوں، انھوں نے نگران وزیر اعلی پنجاب کے لئے نیک تمنائوں کا اظہار کیا۔