لاہور (ڈیسک) قومی احتساب بیورو(نیب ) کی جا نب سے کلین چٹ  ملنے پر پاکستان کرکٹ بورڈ (پی سی بی ) کے چیئر مین  نجم سیٹھی  خوشی  سے  نہال ہو گئے

سماجی رابطوں کی ویب سائٹ پر اپنے پیغام میں نجم سیٹھی نے کہا کہ لاہور اور اسلام آباد ہائیکورٹس نے میرے خلاف تمام پٹیشنز مسترد کر دیں، عمران خان نے بھی تسلیم کر لیا کہ 35 پنکچر والا الزام سیاسی بیان تھا، چیف آف آرمی اسٹاف نے میری محب الوطنی اور کام کے ساتھ لگن کو سراہا ہے۔

اب نیب نے بھی مجھے کلیئرکردیا ہے، سپورٹ کرنے پر تمام دوستوں کا شکر گزار ہوں۔ یاد رہے کہ سابق ٹیسٹ کرکٹر سرفراز نواز نے چیئرمین پی سی بی پر سنگین نوعیت کے الزامات عائد کیے تھے، 14 مئی کو جاری کیے جانے والے ایک خط میں انہیں تمام الزامات سے کلیئر قرار دیتے ہوئے درخواست کو ناقابل سماعت قرار دیا گیا ہے۔