ملتان (ڈیسک) اردو ادب کے معروف مزاح نگار مشتاق احمد یوسفی کو ہم سے بچھڑے چاربرس بیت گئے۔

مشتاق احمد یوسفی 4 ستمبر 1921جے پور (بھارت) میں پیدا ہوئے تھے۔ انہوں نے مسلم یونیورسٹی علی گڑھ سے ایم اے کیا اور پھر بینکاری کے شعبے کو ذریعہ معاش بنایا۔وہ کئی بینکوں کے سربراہ رہے اور پاکستان بینکنگ کونسل کے چیئرمین کے عہدے پر بھی فائز رہے۔ان کی تصانیف میں چراغ تلے، خاکم بدہن، زرگزشت،آب گم اور شام شعر یاراں شامل ہیں۔ مشتاق احمد یوسفی کو ان کی ادبی خدمات کے اعتراف میں حکومت پاکستان کی جانب سے ستارہ امتیاز اور ہلال امتیاز کے اعزازات سے نوازاگیا جبکہ اکادمی ادبیات پاکستان کی جانب سے بھی کمال فن ایوارڈدیا گیاتھا۔مشتاق احمد یوسفی طویل علالت کے بعد20 جون 2018 کو کراچی میں انتقال کرگئے تھے۔