اسلام آباد(ڈیسک)وزیر اعظم عمران خان نے کہا ہے کہ ناموافق موسمی حالات کے باوجود تربیلا ڈیم کا مکمل طور پر بھرنا زراعت اور پن بجلی کی پیداوار کے لیے نیک شگون ہے۔

جمعرات کو ایک ٹویٹ میں وزیراعظم نے کہا کہ اس سال ناموافق موسمی صورتحال کے باوجود الحمدللہ تربیلا ڈیم کل مکمل طور پر بھر گیا، زراعت اور پن بجلی کی پیداوار کے لیے یہ ایک نیک شگون ہے، پانی کے بہتر انضباط و انتظام پر میں واپڈا اور ارسا کی ٹیم کی کاوشوں کو سراہتا ہوں۔