فیصل آباد (نیوز ڈیسک) سپریم کورٹ کے سینئر جج اور نامزد چیف جسٹس پاکستان جسٹس قاضی فائز عیسیٰ نے جڑانوالہ کا دورہ کیا۔
جسٹس قاضی فائز عیسیٰ نے جڑانوالہ میں کرسچین کالونی کا دورہ کیا اور سانحہ میں متاثر مکانات اور گرجا گھروں کا جائزہ لیا۔
جسٹس قاضی فائز عیسیٰ نے جڑانوالہ کے متاثرین سے ملاقات بھی کی، اس موقع پر ان کی اہلیہ بھی ان کے ہمراہ تھیں۔
جسٹس قاضی فائز عیسیٰ نے ڈپٹی کمشنر پر ناراضی کا اظہار کرتے ہوئے کہا کہ واقعہ کو 3 دن گزرگئے لیکن اب تک متاثرہ گلیاں صاف کیوں نہیں کی گئیں۔
نامزد چیف جسٹس نے ڈپٹی کمشنر کو کرسچین کالونی کی گلیاں فوری صاف کرانے کی ہدایات دیں۔
جسٹس قاضی فائز عیسیٰ نے دانش اسکول میں متاثرین سے ملاقات بھی کی اور بعدازاں وہ روانہ ہوگئے۔