لاہور (ڈیسک) عالمی شہرت یافتہ گلوکار، مشہور ترین گانے ’پسوڑی‘ سے پہچانے جانے والے علی سیٹھی نے کہاہے کہ معلوم نہیں میری شادی سے متعلق خبر کس نے اڑائی ہے۔
سوشل میڈیا پلیٹ فارم پر اپنی شادی سے متعلق بات کرتے ہوئے انھوں نے واضح کیا کہ میں نے ابھی تک شادی نہیں کی، میں غیر شادی شدہ ہوں، نامعلوم کس نے میری شادی سے متعلق افواہ اڑا دی ہے۔
علی سیٹھی کی شادی کی خبر کے بعد سے ان کا نام ایکس ڈاٹ کام (ٹوئٹر) پر ٹرینڈ کر رہا تھا، بالآخر علی نے اس حوالے سے کنفیوژن دور کر دی ہے۔
انھوں نے انسٹا گرام پوسٹ میں اپنے نئے گانے کا لنک بھی شیئر کیا ہے۔
علی سیٹھی نے لکھا کہ جو لوگ میری شادی سے متعلق خبر پھیلا رہے ہیں انہیں میری نئی ریلیز کی تشہیر میں مدد کرنی چاہیے۔