ٹیکساس (نیوز ڈیسک) معروف اسٹیج ڈرامہ پروڈیوسر سید فرقان حیدر رضوی کا امریکا میں انتقال ہوگیا۔
اہل خانہ کے مطابق سید فرقان حیدر رضوی گردوں کے عارضے میں مبتلا تھے۔
سید فرقان حیدر کی نماز جنازہ آج ڈیلاس کے مومن سینٹر میں ادا کی جائے گی۔
سید فرقان حیدر نے اسٹیج ڈراموں کی دنیا میں معین اختر اور عمر شریف جیسے فنکاروں کو روشناس کرایا۔
ان کے ڈرامے بکرا قسطوں پر، مصیبت در مصیبت، اور بچاؤ معین اختر نے پاکستانی اسٹیج ڈراموں کو عالمی سطح پر پذیرائی دلائی۔