ریاض (نیوز ڈیسک) قومی کرکٹ ٹیم کے سابق کپتان شعیب ملک نے کہا ہے کہ محمد رضوان کے کپتان بننے پر خوشی ہے۔
سعودی عرب کے دارالحکومت میں میڈیا سے گفتگو کرتے ہوئے انہوں نے کہا کہ محمد رضوان نے جہاں بھی کپتانی کی کامیاب رہے، امید ہے قومی ٹیم میں بھی وہ کامیاب ہوں گے۔
شعیب ملک نے کہا کہ محمد رضوان اسمارٹ کرکٹر ہیں،ان کی کامیابی کے لیے دعا گو ہوں، ناکامی زیادہ سکھاتی اور کامیابی صرف آپ کا دماغ خراب کرتی ہے۔
یاد رہے کہ حال ہی میں محمد رضوان کو ون ڈے اور ٹی ٹوئنٹی فارمیٹ کا کپتان جبکہ آغا سلمان کو نائب کپتان مقرر کیا گیا ہے۔