لاہور (ڈیسک) چیئرمین پاکستان تحریک انصاف عمران خان کا کہنا ہے کہ این اے 193 راجن پور میں ضمنی انتخاب میں پی ٹی آئی امیدوار کی کامیابی کے بعد خدشہ ہےکہ اس سے پی ڈی ایم اور اس کے سرپرستوں پر مزید خوف طاری ہوگا۔
عمران خان نے ٹوئٹ میں لکھا ہے کہ پی ٹی آئی کے خلاف سرکاری مشینری، نیوٹرلز اور الیکشن کمیشن کے مابین گٹھ جوڑ کے باوجود زوردار کامیابی پر محسن لغاری، کارکنان اور ووٹرز کو مبارک باد پیش کرتا ہوں۔
تحریک انصاف کیخلاف سرکاری مشینری،نیوٹرلز اورECP کےمابین گٹھ جوڑ کےباوجود زوردار کامیابی پر محسن لغاری، مینالغاری،PTIکےکارکنان اورNA-193کےووٹرز کومبارکباد پیش کرتاہوں۔مجھےخدشہ ہےکہ اس سےPDM اور اسکے سرپرستوں پر مزیدخوف طاری ہوگا۔چنانچہSCکےججز پر غیر معمولی دباؤ کی توقع رکھئیے!
— Imran Khan (@ImranKhanPTI) February 26, 2023
عمران خان نے کہا کہ تحریک انصاف کا ساتھ دینے اور این اے 193 میں مافیاز کو شکست فاش سے دوچار کرنے کیلئے جذبے اور جنون سے نکلنے والے عوام کا شکرگزار ہوں۔
یاد رہے کہ این اے 193 کی نشست پی ٹی آئی کے ایم این اے سردار جعفر لغاری کے انتقال کے باعث خالی ہوئی تھی۔
