کراچی (نیوز ڈیسک) مارننگ شو میزبان مدیحہ نقوی نے انکشاف کیا ہے کہ کچھ خواتین ان کی والدہ کے جنازے پر میک اپ کرکے آئی ہوئی تھیں جنہیں کبھی فراموش نہیں کرسکتی۔
مدیحہ نقوی نے حال ہی میں اپنے مارننگ شو کی ایک قسط میں اپنی والدہ کے انتقال کا دن یاد کرتے ہوئے بتایا کہ کس طرح لوگ تیار ہوکر آئے تھے اور اس چیز نے انہیں کافی تکلیف پہنچائی تھی۔
مدیحہ نقوی نے کہ ”مجھے آج بھی یاد ہے میں نے ہوش و حواس میں اپنے سامنے کوئی میت دیکھی تو وہ میری ماں کی میت تھی“۔
میزبان نے کہا ”والدہ کے انتقال کے کچھ گھنٹوں بعد ہی بہت سے لوگ گھر میں اکھٹے ہوگئے تھے، مجھے یاد ہے ان میں سے جس جس نے میک اپ کیا ہوا تھا ، جن خواتین نے گہری لپ اسٹکس لگائی ہوئی تھیں“۔
مدیحہ کا کہنا تھا کہ ”یہ ایسی چیز ہے جو میں زندگی بھر فراموش نہیں کرسکتی، ہوسکتا ہے وہ لوگ کہیں سے آرہے ہوں لیکن میت کے کچھ آداب ہوتے ہیں، یہی تو ہے جو اللہ تعالیٰ آپ کو بتاتا ہے کہ بس یہ تھی دنیا، اب سب ختم“۔
میزبان نے گفتگو کے دوران کہا کہ ”جب کسی کا انتقال ہوتا ہے تو یہ یاد دہانی ہوتی ہے کہ اللہ بتا رہا ہوتا ہے بس جو گھر بنایا تھا یا جو دنیا تھی وہ سب ختم، اب میری جانب لوٹ آؤ“۔