لاہور (ڈیسک) لاہور میں اورنج لائن ٹرین کے علی ٹاؤن اسٹیشن پر ڈرون طیارہ آگرا۔ ذرائع کے مطابق علی ٹاؤن ٹرمینل 2 کے واشنگ پوائنٹ پر گرنے والے ڈرون طیارے کے پروں کی لمبائی 13 فٹ جبکہ لمبائی 6 فٹ 4 انچ ہے۔پولیس کے مطابق مذکورہ ڈرون طیارے سے بارودی مواد نہیں ملا تاہم تعین کیا جا رہا ہے کہ ڈرون طیارہ اورنج ٹرین واشنگ ایریا تک کس سمت سے آیا۔حساس اداروں نے ڈرون اپنی تحویل میں لے لیا ہے جبکہ سی ٹی ڈی فرانزک ٹیم نے ڈرون کے پرزوں کا معائنہ شروع کر دیا ہے۔ پولیس کا کہنا ہے کہ تخریب کاری سمیت تمام پہلوؤں پر جائزہ لیتے ہوئے تفتیش کی جا رہی ہے۔