آکلینڈ (ڈیسک) فیفا ویمنز ورلڈ کپ کے دونوں سیمی فائنل 15 اگست بروز منگل کو کھیلے جائیں گے ۔
پہلے سیمی فائنل میں سپین اور سویڈن جبکہ دوسرے سیمی فائنل میں آسٹریلیا اور انگلینڈ کی خواتین ٹیمیں مدمقابل ہوں گی ، خواتین عالمی فٹبال کپ کے دلچسپ مقابلے آسٹریلیا اور نیوزی لینڈ میں جاری ہیں۔
میگا ایونٹ میں 15اگست کو پہلا سیمی فائنل میچ سپین اور سویڈن کے مابین ایڈن پارک ، آکلینڈ میں کھیلا جائے گا۔
کوارٹر فائنل مرحلے میں اسپین نے نیدرلینڈز اور سویڈن نے جاپان کو شکست دی تھی۔
اسی روز ٹورنامنٹ کے دوسرے سیمی فائنل میں میزبان آسٹریلیا اور انگلینڈ کی ٹیمیں سڈنی میں مدمقابل ہوں گی۔
کوارٹر فائنل اسٹیج میں آسٹریلیا نے فرانس اور انگلینڈ نے کولمبیا کے خلاف کامیابی حاصل کی تھی۔
ورلڈ کپ کا فائنل 19اگست کو کھیلا جائے گا ۔
