کراچی (ڈیسک) پاکستان میں سعودی سفارتخانے نے بھی فیفا ورلڈکپ میں ارجنٹینا کے خلاف سعودی ٹیم کی تاریخی کامیابی پر پیغام جاری کردیا۔ سوشل میڈیا پر جاری پیغام میں ولی عہد محمد بن سلمان اور ٹیم کی ایڈٹ شدہ تصویر شیئر کی گئی ۔جس میں پیغام تحریر کیا گیا کہ ”آج ہماری ٹیم کے راستے سے ہٹ جاؤ“۔ مزید تحریر کیا گیا کہ ”سعودی عقاب آسمان میں اونچی پرواز کرتے ہیں۔ ہیروز نے ہمیں شرف بخشا“۔ واضح رہے کہ فیفا ورلڈکپ 2022 گروپ سی میں سعودی عرب نے ارجنٹینا کو اپ سیٹ شکست دی۔ سعودی عرب کی جانب سے صالح الشہری اور سالم محمد الدوسری نے ایک، ایک گول کیا جبکہ ارجنٹینا کی جانب سے واحد گول لائیونل میسی نے کیا۔