پیرس(ڈیسک)فرانسیسی صدر نے براعظم افریقہ کے ساحل ریجن میں عسکریت پسندوں کے خلاف آپریشن آئندہ سال کی پہلی سہ ماہی میں ختم کرنے کا اعلان کیا ہے۔

فرانسیسی خبر رساں ادارے کے مطابق صدر ایمانویل میکرون نے گزشتہ روز فرانس کے قومی دن باسٹل ڈے کے موقع پر اعلان کیا کہ ہم ساحل ریجن میں بارکھین آپریشن 2022 کی پہلی سہہ ماہی میں ختم کر دیں گے ۔ واضح رہے کہ فرانسیسی صدر نے گزشتہ ہفتے اعلان کیا تھا کہ ساحل ریجن میں تعینات فرانسیسی ملٹری پولیس کی تعداد میں کمی اور بارکھین آپریشن ختم کرنے سے متعلق اعلان کیا تھا جس کے بعد انہوں نے گزشتہ روز اس کے لیے ٹائم لائن بھی مقرر کر دی اور یقین دہانی کرائی کہ ساحل ریجن سے فرانسیسی فوج کا مکمل انخلا نہیں ہو رہا ہے۔ اس وقت ساحل ریجن میں فرانس کے فوجی آپریشن میں 5 ہزار فوجیوں حصہ لے رہے ہیں۔