کوئٹہ (ڈیسک)وزیر اعلی بلوچستان میر عبدالقدوس بزنجوکا علامہ اقبال کے یوم پیدائش کے موقع پر پیغام دیتے ہوئے کہا کہ انہوں نے اپنی شاعری، سوچ اور فکر سے برصغیر کے مسلمانوں کو ایک راہ پر گامزن کیا۔
علامہ محمد اقبال مسلمانوں کے اتحاد اور یکجہتی کے بہت بڑے داعی تھے ۔انہوں نے کہا کہ مفکر پاکستان کا نظریہ پاکستان مسلمانوں پر وہ احسان ہے جو قوم کبھی فراموش نہیں کرسکتی،آج پوری قوم مفکر اسلام اورعظیم فلسفی شاعر علامہ محمد اقبال کو بھرپور خراج عقیدت پیش کر رہی ہے۔علامہ اقبال کو برصغیر کے مسلمانوں کیلئے الگ وطن کا تصور پیش کرنے پر ہمیشہ یاد رکھا جائے گا۔ علامہ اقبال کی شاعری اورافکار پر عمل کرناہی ان کو خراج تحسین پیش کرنے کا بہترین طریقہ ہےانہوں نے کہا کہ علامہ اقبال کے فرمودات سے ہمیں اسلام کاحقیقی پیغام سمجھنے میں مدد ملتی ہے۔انہوں نے شاعر مشرق نے ہمیشہ مسلمانوں کو آپس میں اتحاد ،اتفاق اور عمل کی تلقین کی۔ وزیر اعلی بلوچستان میر عبدالقدوس بزنجو نے مزیدکہا کہ بحیثیت قوم آج کا دن اس عہد کی تجدید کا دن ہے کہ ہم علامہ اقبال کے نظریات کو اپنی مشعل راہ بنائیں۔
