اسلام آباد (نیوز ڈیسک) صدر مملکت آصف علی زرداری سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ملاقات کی۔
ملاقات کے دوران مسلح افواج کی آپریشنل تیاریوں سے متعلق تبادلہ خیال کیا گیا۔
چیئرمین جوائنٹ چیفس آف اسٹاف کمیٹی جنرل ساحر شمشاد نے صدر آصف زرداری کو ملکی سکیورٹی صورتحال اور مسلح افواج کی آپریشنل تیاریوں پر بریفنگ دی۔
جنرل ساحر شمشاد مرزا کا کہنا تھا مسلح افواج اندرونی اور بیرونی سکیورٹی چیلنجز سے مؤثر انداز میں نمٹنے کی صلاحیت رکھتی ہیں۔
ملاقات میں صدر مملکت نے سرحدوں کے دفاع اور ملکی سماجی و اقتصادی ترقی میں مسلح افواج کے کردار کو سراہتے ہوئے کہا کہ اعتماد ہے کہ سکیورٹی فورسز اندرونی و بیرونی سکیورٹی چیلنجز پر کامیابی سے قابو پالیں گی۔
صدر آصف علی زرداری اور چیئرمین جوائنٹ چیفس آف اسٹاف کمیٹی کی ملاقات میں دہشت گردی کی لعنت کو قوم کے تعاون سے جڑ سے اکھاڑ پھینکنے کے عزم کا اظہار کیا گیا۔