شیخوپورہ (نیوز ڈیسک) جی ٹی روڈ پر راوی ریان کے قریب کار اور ٹرک کے درمیان تصادم کے نتیجے میں 6 افراد جاں بحق ہوگئے۔
ذرائع کے مطابق کار سوار خاندان خانیوال سے شادی میں شرکت کرکے واپس گوجرانوالہ جارہا تھا۔
حادثے میں تین بچوں ایک خاتون سمیت 6 افراد جاں بحق جبکہ 3 خواتین شدید زخمی ہوئیں۔
عینی شاہدین کے مطابق راوی ریان کے قریب ٹرک ڈرائیور نے غفلت کا مظاہرہ کرتے ہوئے یوٹرن لیا جس کے سبب حادثہ پیش آگیا۔
ریسکیو اہلکاروں کے مطابق جاں بحق ہونے والوں کی شناخت 22 سالہ شہباز، 35 سالہ ظہیر عباس، 35 سالہ ارم شہزادی، 10 سالہ عبدالوہاب، 8 سالہ ایان اور 6 سالہ ایمان فاطمہ کے ناموں سے ہوئی جبکہ زخمیوں میں نسیم، شمیم اور خدیجہ شامل ہیں۔