ممبئی(ڈیسک) بالی وڈ ہدایتکار راج کمار ہیرانی نے کہا ہے کہ اداکار سنجے دت فلم ’’سنجو‘‘ کی سپیشل سکریننگ کے دوران رو پڑے۔
بھارتی ذرائع ابلاغ کے مطابق ہدایتکار راج کمار ہیرانی نے اداکار سنجے دت کی زندگی پر بننے والی فلم ’’سنجو‘‘ کی سیریننگ کے حوالے سے انکشاف کرتے ہوئے کہا کہ اداکار سنجے دت کبھی سیٹ پر نہیں آئے اور نہ ہی فلم کے عکسبند کئے گئے مناظر دیکھے اور جب فلم کی سپیشل سکریننگ منعقد کی گئی تو میں نے مسلسل فلم کے دوران جذباتی مناظر پر سنجے دت کے چہرے کے تاثرات بدلتے دیکھے لیکن جسیے ہی فلم ختم ہوئی تو سنجے دت کی آنکھوں میں آنسو آگئے اور بہترین فلم بنانے پر مجھے گلے لگایا۔ انہوں نے کہا کہ سنجے دت نے جس انداز میں ہم چاہتے تھے ہمیں اپنی زندگی کے ہر پہلو چاہے وہ منشیات کے عادی ہوں یا کوئی بھی پہلو ہو دکھانے کی آزادی دی۔
