ریاض(ڈیسک) سعودی عرب کے مختلف علاقوں میں 11 نمازیوں میں کورونا وائرس کی تشخیص کے بعد مزید 11مساجد عارضی طور پر بند کر دی گئی ہیں۔
سعودی ذرائع ابلاغ کے مطابق سعودی وزارت اسلامی امور نے ایک بیان میں کہا ہے کہ ملک بھر کے مختلف علاقوں میں 11 نمازیوں میں کورونا وائرس کی تشخیص کے بعد مزید 11مساجد عارضی طور پر بند کر دیا گیا ہے جس کے بعد گزشتہ 32 روز کے دوران بند کی جانے والی مساجد کی تعداد 263 تک پہنچ گئی ہےجن میں سے 244 مساجد کو سینیٹائزنگ اور صحت کے انتظامات مکمل کرنے پر کھول دیا گیا ہے ۔وزارت کی رپورٹ کے مطابق بند کی جانے والی مساجد میں سے 4 مساجد مشرقی علاقے میں بند کی گئیں جہاں 4 نمازی کورونا میں مبتلا ہوگئے تھے، ایک مسجد ریاض کے علاقہ الجوف، ایک القصیم، ایک حدود شمالیہ، ایک نجران، ایک مدینہ منورہ اور ایک حائل میں بند کی گئی ہیں۔