اسلام آباد (ڈیسک) وزیراعظم محمد شہباز شریف نے رمضان المبارک میں اوقات سحر وافطار کےدوران بجلی کی بلاتعطل فراہمی یقینی بنانے کی ہدایت کردی۔
جمعہ کووزیراعظم آفس کے میڈیا ونگ سے جاری بیان کے مطابق وزیراعظم محمد شہباز شریف سے لیسکو کے چیئرمین حافظ نعمان نے ملاقات کی۔
ملاقات کے دوران وزیر اعظم نے لیسکو چیئرمین کو رمضان میں روزہ داروں کے لیے سحر و افطار کے اوقات میں بجلی کی بلا تعطل فراہمی یقینی بنانے کے لئے خصوصی اقدامات اٹھانے کی ہدایت کر دی۔