نئی دہلی ( ڈیسک) ساف فٹبال چیمپئن شپ میں پاکستان کو اپنے آخری میچ میں بھی نیپال کے ہاتھوں شکست کا سامنا کرنا پڑا۔
گروپ اے میں شامل نیپالی ٹیم بھی ناک آؤٹ مرحلے سے باہر ہوگئی تاہم اس نے پاکستان کیخلاف واحد کامیابی حاصل کرکے پوائنٹس ٹیبل پر تین پوائنٹس کے ساتھ تیسری پوزیشن حاصل کی۔
پاکستانی ٹیم نے تین میچوں میں مجموعی طور پر 9 گول کھائے اور اس کے کھلاڑی ایک گول کرنے میں بھی ناکام رہے۔
پاکستان کو پہلے میچ میں بھارت اور دوسرے میچ میں کویت سے شکست ہوئی ۔
گروپ اے میں کویت اور بھارت دو میچز کھیل کر 6 پوائنٹس کے ساتھ پہلے اور دوسرے نمبر پر موجود ہیں۔
دونوں ٹیموں نے سیمی فائنل کے لیے کوالیفائی کرلیا ہے، ان کے درمیان میچ یکم جولائی کو کھیلا جائے گا۔