نوابشاہ (نیوز ڈیسک) سابق صدر آصف علی زرداری نے کہا کہ شہباز شریف کومیں نے وزیر اعظم بنوایا تھا لیکن انھوں نے کوئی کام نہیں کیا۔
زرداری ہاؤس نوابشاہ میں عمائدین سے ملاقات کے دوران آصف علی زرداری نے گفتگو کرتے ہوئے کہا کہ سابق وزیر اعظم اور سابقہ حکومت نے عوام کے لیے کوئی کام نہیں کیا۔
انھوں نے کہا کہ پیپلز پارٹی نے ہمیشہ عوام کے لیے کام کیا ہے، نوابشاہ میں ایگریکلچر یونیورسٹی قائم کروں گا، ضلع میں پولیس یونیورسٹی قائم کی جائے گی جس میں امیدواروں کو پہلے تربیت دی جائے گی۔
ان کا کہنا تھاکہ روہڑی کینال پر بجلی پیدا کرنے کے لیے ہائیڈرو سسٹم لگایا جائے گا، نہری نظام میں بہتری سے زرعی شعبے میں بہتری آئے گی، نواب شاہ کی آبادی میں اضافہ ہو رہا ہے اس لیے شہر کو بڑھایا جائے گا۔