بلاویو (ڈیسک) زمبابوے اور پاکستان کے درمیان پانچ ایک روزہ بین الاقوامی کرکٹ میچوں پر مشتمل سیریز کا چوتھا میچ کل جمعہ کو بلاویو میں کھیلا جائے گا،
گرین شرٹس کو میزبان ٹیم کے خلاف سیریز میں 3-0 کی فیصلہ کن برتری حاصل ہے، پاکستان نے سیریز کے پہلے ایک روزہ میچ میں میزبان زمبابوین ٹیم کو یکطرفہ مقابلے کے بعد 201 رنز سے، دوسرے میچ میں 9 وکٹوں سے ہرا دیا، تیسرے میچ میں پاکستان ٹیم نے میزبان ٹیم کو پھر 9 وکٹوں سے ہرا کر پانچ میچوں کی سیریز میں 3-0 کی فیصلہ کن برتری حاصل کی تھی۔ واضح رہے کہ دونوں ٹیموں کے درمیان پانچواں اور آخری ون ڈے 22 جولائی کو کھیلے گی۔
