کندھ کوٹ (نیوز ڈیسک) سندھ رینجرز کے ترجمان نے کندھکوٹ میں پرائمری ٹیچر اللہ رکھیو نندوانی کے قتل میں ملوث ملزمان کی گرفتاری کا دعویٰ کیاہے۔
ترجمان رینجرز کے مطابق پکڑے گئے ملزمان ٹیچر اللہ رکھیو کے قتل اور سہولت کاری میں ملوث ہیں، ملزمان کو تنگوانی کے گاؤں سیفل سے گرفتار کرکے پولیس کے حوالے کردیا گیا ہے۔
یاد رہے کہ چند روز قبل کچے کے ڈاکوؤں نے پرائمری اسکول کے ٹیچر اللہ رکھیو نندوانی کو قتل کردیا تھا۔
اللہ رکھیو نندوانی گوٹھ نصراللہ بجارانی میں واقع اسکول میں موٹرسائیکل پر اپنی بندوق لے کر پہنچتا تھا۔
چند روز قبل اللہ رکھیو نندوانی کے بندوق لے کر اسکول جانے کی ویڈیو بھی وائرل ہوئی تھی۔