ماسکو (نیوز ڈیسک) روس کے علاقے بلگورود پر یوکرینی فوج کی شیلنگ سے 5 افراد ہلاک جبکہ 37 زخمی ہوگئے۔
روسی میڈیا کے مطابق یوکرینی فوج نے کلسٹر بموں سے حملے کیے جس سے خاتون اور 4 مرد موقع پر ہلاک جبکہ 6 بچوں سمیت 37 افراد زخمی ہوگئے۔
روسی میڈیا کے مطابق یوکرینی شیلنگ میں زخمی ہونے والوں میں سے 3 بچوں سمیت 7 افراد کی حالت تشویشناک ہے۔
بتایا جاتا ہے کہ حملے سے 2 کثیرالمنزلہ عمارت کی چھتوں میں سوراخ ہوگئے اور کھڑکیوں کے شیشے ٹوٹ گئے۔
رپورٹ کے مطابق تیز دھار دھاتی اشیاء لگنے سے 9 گاڑیوں کو بھی نقصان پہنچا جبکہ ایک اور قصبے پر حملے سے 2 گھروں، ایک گاڑی اور گیراج کو آگ لگ گئی۔
روسی حکام کا کہناہے کہ کرسک، بریانسک اور بلگورود میں روس کی جانب سے بھی جوابی کارروائیاں جاری ہیں۔