ممبئی (ڈیسک) بھارتی اداکارہ راکھی ساونت جو حال ہی میں عمرہ کی سعادت حاصل کر کے وطن واپس لوٹی ہیں، نے بالی ووڈ سپر اسٹار سلمان خان کو بھی عمرے کی ادائیگی کا مشورہ دے دیا۔
بالی ووڈ اداکارہ راکھی ساونت اسلام قبول کر چکی ہیں جس کے بعد انھوں نے اپنا اسلامی نام فاطمہ رکھا ہے۔
کچھ روز پہلے انھوں نے مکہ میں عمرہ کی ادائیگی کے دوران اپنی تصاویر سوشل میڈیا پر شیئر کی تھیں۔
اب انھوں نے سلمان خان کو بھی رائے دی ہے کہ وہ مقدس مقامات کی زیارت کریں، انھوں نے کہا کہ میں دعا گو ہوں کہ آپ جلد عمرہ کرنے آئیں۔
راکھی ساونت نے کہا کہ بالی ووڈ کے سب ہی لوگوں کو کو ان مقدس مقامات کی زیارت کے لیے آنا چاہیے۔
کچھ عرصہ قبل راکھی ساونت نے اداکار عادل درانی سے شادی کی تھی مگر دونوں میں نباہ نہ ہو سکا، اختلافات کے بعد دونوں نے ایک دوسرے سے علیحدگی اختیار کر لی۔
