راولپنڈی (نیوز ڈیسک) راولپنڈی میں قتل کے ملزم کو دبئی سے کراچی پہنچتے ہی گرفتار کرلیا گیا۔
وفاقی تحقیقاتی ادارے کے امیگریشن سیل نے کراچی ائیرپورٹ پر کارروائی کی جس میں دبئی سے واپس آنے والے ملزم محمد عمر کو گرفتار کرلیا گیا۔
ایف آئی اے حکام نے بتایا کہ ملزم کا نام اسٹاپ لسٹ میں شامل ہے، ملزم کے خلاف پنجاب کے کینٹ راولپنڈی پولیس اسٹیشن میں قتل کا مقدمہ درج ہے۔
ایف آئی اے کے مطابق ملزم نجی ائیر لائن کی پرواز سے وطن واپس پہنچا تھا جس پر اسے گرفتار کرلیا گیا۔