پشاور (نیوز ڈیسک) خیبر پختونخوا میں کل سے بارش، برفباری کا سلسلہ شروع ہونے کا امکان ہے۔
پشاور سے محکمہ موسمیات کے مطابق بارشوں اور برفباری کا سلسلہ 31 مارچ تک وقفے وقفے سے جاری رہنے کا امکان ہے۔
پراونشل ڈیزاسٹر مینجمنٹ اتھارٹی نے تمام ضلعی انتظامیہ کو الرٹ رہنے کے لیے مراسلہ جاری کردیا۔
پی ڈی ایم اے نے بارشوں اور برفباری کے پیش نظر ضلعی انتظامیہ کو پیشگی اقدامات کی ہدایت کی ہے۔
ڈی جی پی ڈی ایم اے نے برفباری اور بارشوں سے بالائی اضلاع میں لینڈ سلائیڈنگ کا بھی خدشہ ظاہر کیا ہے اور کہا کہ ضلعی انتظامیہ مشینری کی دستیابی یقینی بنائے۔