راجن پور (ڈیسک) جنوبی پنجاب کے علاقے راجن پور میں تیز رفتار بس الٹنے سے پانچ افراد جاں بحق ہو گئے۔
تفصیلات کے مطابق راجن پور کی تحصیل فاضل پور میں تیز رفتار بس الٹ گئی جس سے 5مسافر موقع پر جاں بحق ہو گئے، حادثے کے نتیجے میں 20افراد زخمی بھی ہوئے جنہیں ڈسٹرکٹ اسپتال اور فاضل پور اسپتال منتقل کر دیا گیا ہے۔
عینی شاہدین کے مطابق بس تیزی رفتاری سے آ رہی تھی کہ ڈرائیور بس پر کنٹرول نہ رکھا سکا، مسافروں نے یہ بھی بتایا کہ ڈرائیونگ کے دوران بس کا ڈرائیور سو گیا تھا جس سے حادثہ پیش آیا، مسافر بس سخی سرور سے جیکب آباد سندھ جا رہی تھی۔