لندن (نیوز ڈیسک) بی بی سی کے اینکر کی زبان براہ راست نشریات کے دوران پھنسل گئی۔
بی بی سی کے اینکر گیرتھ بارلو نے نادانستہ طور پر ہونےوالی غلطی پر مبنی اپنی ویڈیو کو سوشل میڈیا ویب سائٹ ایکس پر شیئر کردیا۔
ویڈیو میں دیکھا جاسکتا ہے کہ کیمرے کے سامنے اینکر ”آپ بی بی سی دیکھ رہے ہیں“بولنے کی بجائے ”میں بی بی سی دیکھ رہا ہوں“ بول دیتا ہے۔
بعد ازاں اینکر نے اپنی غلطی کو مزاحیہ انداز میں درست کرتے ہوئے کہا کہ میں نہیں آپ بی بی سی دیکھ رہے ہیں۔
اینکر نے شیئر کی گئی اپنی ویڈیو کے کیپشن میں لکھا کہ ”کیا کوئی مجھے یاد دلا سکتا ہے کہ کون نیوز دیکھ رہا ہے؟ “
Can someone please remind me who’s watching the news… pic.twitter.com/l40jGHhrHK
— Gareth Barlow (@GarethBarlow) August 20, 2023
اینکر کی اس ویڈیو پر سوشل میڈیا صارفین کی جانب سے مختلف تبصروں کا سلسلہ جاری ہے۔
کسی کو یہ ویڈیو پسند آئی تو کسی نے مزاحیہ جواب دیتے ہوئے لکھا ابھی کوئی نیوز نہیں دیکھ رہا۔
