ممبئی (نیوز ڈیسک) بھارتی ریئلٹی شو بگ باس او ٹی ٹی 2 کا فاتح ایلوش یادیو دبئی میں 8 کروڑ روپے مالیت کے گھر کا مالک بن گیا۔
ویڈیو شیئرنگ پلیٹ فارم یوٹیوب پر بگ باس او ٹی ٹی 2 کے فاتح اور معروف یوٹیوبر ایلوش یادیو نے اپنے نئے گھر کی ویڈیو شیئر کی ہے۔
25 سالہ یوٹیوبر نے اپنے یوٹیوب چینل پر انکشاف کیا ہے کہ انہوں نے دبئی میں عالیشان ڈوپلیکس اپارٹمنٹ خریدا ہے۔
گھر میں گیسٹ رومز، بیڈ رومز اور ان سے منسلک باتھ رومز، بالکونی اور ایک بہت بڑا کچن ہے۔
ایلوش یادیو کے مطابق مذکورہ عالیشان گھر کی قیمت 8 کروڑ روپے ہے۔
یاد رہے کہ ایلوش یادو ریئلٹی شو کے پہلے فاتح ہیں جو وائلڈ کارڈ کے ذریعے بگ باس کے گھر میں آئے اور شو جیت کر تاریخ رقم کر دی تھی۔
