پشاور(اسٹاف رپورٹر)وزیراعلیٰ خیبرپختونخواہ وفاق پر برس پڑے، پرویز خٹک کہتے ہیں کہ بڑا بھائی سب کچھ کھا جاتا ہے کسی اور کو کچھ نہیں دیتا، وفاق کی وجہ سے ہمارے حق کی بجلی چوری ہوتی ہے، بڑے بھائی کو اپنا فلسفہ اور طریقہ بدلنا پڑے گا، ہم بھیک نہیں مانگیں گے ہمیں اپنا حق لینا آتا ہے۔ ان کا مزید کہنا تھا کہ خیبرپختونخوا کے ساتھ 2007ء سے بجلی سے متعلق مسلسل زیادتی کی جارہی ہے، یہ کیسا ملک ہے کہ جہاں حقوق کے لیے احتجاج کرنے پڑتے ہیں، بجلی ہو یا گیس گوادر سے پنڈی تک ختم ہوجاتی ہے، ہم پہلےبھی متحد تھے اب بھی متحد ہیں۔