کولمبو (نیوز ڈیسک) کولمبو میں بارش کے باعث معطل ہونے والا پاک بھارت میچ ریزرو ڈے پر شروع ہوگیا۔
پرایما داسا اسٹیڈیم میں آج بھی بارش کی وجہ سے میچ مقررہ وقت پر شروع نہیں ہو سکا۔
آج بھی مقررہ وقت پر بھارتی ٹیم کے اسٹیڈیم پہنچتے ہی بارش کے باعث روکا گیا میچ پاکستانی وقت کے مطابق 4 بج کر10 منٹ پر شروع ہوا۔
قبل ازیں بھارتی کوچ راہول ڈریوڈ نے امپائرز اور گراؤنڈ اسٹاف سے گفتگو کی۔
فاسٹ بولر شاہین شاہ آفریدی، حارث رؤف اور جسپریت بمراہ نے پچ کا معائنہ کیا۔
یاد رہے کہ گزشتہ روز ایشیا کپ کےسپر فور مرحلے میں پاکستان اور بھارت کے میچ کو بارش اور گراؤنڈ فیلڈ خراب ہونے کے باعث معطل کر کے ریزرو ڈے پر منتقل کر دیا گیا تھا۔