کراچی کراچی (اسٹاف رپورٹر ) ایف آئی اے نے ایان علی اسکینڈل کے بعد ملک کی ممتاز سپر ماڈل گرل کے اثاثوں کی تحقیقات شروع کردی ہے ۔ ابتدائی تحقیقات کے دوران معلوم ہوا ہے کہ ملک کی ایک درجن سے زائد سپرماڈل مختلف اہم شخصیات کی ایما پر اربوں روپے کی منی لانڈرنگ میں ملوث ہیں ۔ ذڑائع سے معلوم ہوا ہے کہ کراچی ، حیدرآباد ، لاہور، اسلام آباد ، ملتان اور پشاور کی بعض اہم ماڈل مختلف تقریبات میں شرکت کےلیے بیرون ملک جاتے ہوئے اپنے ہمراہ کروڑوں روپے کی رقم منتقل کرچکی ہیں ۔ کرپشن سے حاصل ہونے والی رقم امریکا ، دبئی ، بینکاک ، برطانیہ ، ملیشیا اور دیگر ممالک میں منتقل کی گئی ہے ۔