راولپنڈی (نیوز ڈیسک) چیئرمین پاکستان تحریک انصاف کو اڈیالہ جیل میں حاصل سہولتوں کی تفصیلات سامنے آگئیں۔
جیل میں 8 کمرے عمران خان کے زیر استعمال ہیں۔
چیئرمین پی ٹی آئی کے کھانے اور علاج کے لیے 9 ڈاکٹر ڈیوٹی پر موجود ہیں۔
پی ٹی آئی چیئرمین کو 10 ٹی وی چینل دکھائے جاتے ہیں، ہر گھنٹے بعد چینل تبدیل کر دیا جاتا ہے۔
ذرائع کے مطابق چیئرمین پی ٹی آئی کو بیڈ، میٹرس اور اخبار کی سہولت بھی دی گئی ہے۔
ورزش کرنےکے لیے سائیکل اور لوہے کا راڈ بھی لگایا گیا ہے۔
جیل میں واک کے لیے 20 فٹ کا صحن بھی موجود ہے۔
اڈیالہ جیل میں پی ٹی آئی چیئرمین کو کھانا پکانے کے لیے باورچی دیا گیا ہے۔
ذرائع کے مطابق قیدی کے اکاؤنٹ سے کھانے پکانے کی اشیاء باہر سے منگوائی جاتی ہیں۔
چیئرمین پی ٹی آئی کو سکیورٹی کے پیش نظر باہر سے پکا ہوا کھانا دینے کی اجازت نہیں۔