لاہور (ڈیسک) چیف آرگنائزر پاکستان مسلم لیگ (ن) مریم نواز نے کہا ہے کہ جس کے اپنے برادرز ججزعدم اعتماد کر دیں، اس کےفیصلے کی قانونی حیثیت ہوگی نہ اخلاقی۔
پنجاب اور خیبر پختونخوا اسمبلیوں کے انتخابات ملتوی کرنے کے خلاف کیس کی سماعت کے دوران سپریم کورٹ نے اٹارنی جنرل کی جانب سے فل کورٹ بنانے کی استدعا مسترد کی۔
چیف جسٹس کی سربراہی میں تین رکنی بینچ نے سماعت کی۔
مریم نواز کا اس حوالے سے ردعمل میں کہنا تھاکہ جس کے اپنے برادرز ججزعدم اعتماد کر دیں، اس کےفیصلے کی قانونی حیثیت ہوگی نہ اخلاقی۔
جسٹس مندوخیل کی دعاوں میں شریک ہیں کہ اللّہ تعالی سپریم کورٹ آف پاکستان پر رحم فرمائے۔ آمین ! https://t.co/6hQ3JvLDTc
— Maryam Nawaz Sharif (@MaryamNSharif) March 31, 2023
انہوں نے کہا کہ سہولت کاروں کی جانب سے انصاف کے ایوان کو تحریک انصاف کا ایوان بننے سے روکنا قوم کی ذمہ داری ہے، ون مین شو تباہی کا باعث بنے گا۔
ان کا کہنا تھاکہ جسٹس مندوخیل کی دعاؤں میں شریک ہیں کہ اللّہ تعالی سپریم کورٹ آف پاکستان پر رحم فرمائے۔
