لاس اینجلس(ڈیسک)امریکی اداکار جیمز مائیکل ٹیلر 78 سال کی عمر میں انتقا ل کر گئے۔

برطانوی خبر رساں ادارے کے مطابق امریکی ٹی وی سٹ کام فرینڈز کے اداکار جیمز مائیکل ٹیلر لاس اینجلس میں واقع اپنے گھر میں 78 سال کی عمر میں انتقال کر گئے۔ ان کے انتقال کی خبر کی تصدیق کرتے ہوےئے ان کے مینیجر نے بتایا کہ جیمز مائیکل ٹیلرجس سے ملتے تھے اسے اپنا گرویدہ بنا لیتے تھے، انہوں نے سوگواران میں بیوی جینیفر کارنو کو چھوڑا ہے ۔ جیمز مائیکل ٹیلر کو 2018 میں ایڈوانسڈ پروسٹیٹ کینسر کی تشخیص ہوئی جو بعد میں ان کی ہڈیوں میں پھیل گیا تھا۔ انہوں نےکہا کہ جیمز مائیکل ٹیلر بہت بہادری سے بیماری سے لڑے اور اپنی کہانی لوگوں کو سنائی اور بعد میں انہوں نے پروسٹیٹ کینسر کے مریضوں کے لیے مہم بھی چلائی۔