واشنگٹن (اسٹاف رپورٹر) امریکی اور چینی صدور کے درمیان جوہری تجربہ کرنے پر شمالی کوریا کے خلاف مشترکہ اقدامات کرنے پر اتفاقِ رائے کرلیا ہے۔
وائٹ ہاؤس سے جاری بیان کے مطابق امریکی صدر باراک اوباما اور چینی ہم منصب شی جن پنگ کے درمیان ٹیلیفون پر رابطہ ہوا۔ دونوں صدور نے شمالی کوریا کی جانب سے بیلسٹک میزائل تجربے کے منصوبے کو اشتعال انگیز قرار دیا۔
انہوں نے عالمی برداری سے مطالبہ کیا کہ وہ حالیہ جوہری تجربے پر شمالی کوریا کےخلاف سخت اقدامات کرے۔ دونوں رہنماؤں نے شمالی کوریا کے خلاف سلامتی کونسل میں ایک مؤثر قرارداد لانے پر بھی زور دیا۔
