انقرہ (ڈیسک) پاکستان کے معروف شاعر اور ادیب امجد اسلام امجد کو ترکی کے اعلیٰ ثقافتی اعزاز سے نواز دیا گیا۔
اپنی شاعری سے سب کو اسیر کرنے والے امجد اسلام امجد کو ترکی میں منعقدہ ایک تقریب میں نصیب فضیل انٹرنیشنل کلچرل اور آرٹ ایوارڈ سے نوازا گیا جس میں ان کی شاعری بھی سنی گئی۔
تقریب میں ترک صدر طیب اردوان نے بطور مہمان خصوصی شرکت کی اور امجد اسلام امجد کی شاعری کو خوب سراہا۔
اس موقع پر ترک صدر نے کہا کہ امجد اسلام امجد جدید دور میں اردو ادب کے سب سے اہم شاعر اور پاکستان کی نامور شخصیت ہیں۔ انہوں نے مزید کہا کہ پاکستان ترکی کا انتہائی عزیز اور قریبی دوست ملک ہے، دونوں ممالک کا مفاد یکساں ہے، یہ تعلقات باہمی اعتماد، یکجہتی اور خلوص پر مبنی ہیں۔
ایوارڈ حاصل کرنے پر امجد اسلام امجد نے خوشی کا اظہار کرتے ہوئے کہا کہ ترکی ہر پاکستانی کے دل کے قریب تر ہے اور اس ایوارڈ پر ترک بھائیوں کے شکر گزار ہیں
