کراچی (نیوز ڈیسک) الیکشن کمیشن نے حافظ نعیم الرحمان کی سندھ اسمبلی کے حلقہ پی ایس 129 سے کامیابی کا نوٹیفکیشن جاری کردیا۔
نوٹیفکیشن کے مطابق سندھ اسمبلی کے حلقہ پی ایس 129 کراچی سے حافظ نعیم الرحمان نے 26 ہزار 296 ووٹ حاصل کیے۔
ذرائع الیکشن کمیشن سندھ کے مطابق حافظ نعیم الرحمان کی جانب سے فارم سی جمع کرانے کے بعد کامیابی کا نوٹیفکیشن جاری کیا گیا۔
خیال رہے کہ اس سے قبل عام انتخابات کے بعد حافظ نعیم الرحمان نے اس سیٹ سے اپنی کامیابی سے دستبردار ہونے کا اعلان کیا تھا۔
دریں اثناء رہنما پاکستان پیپلزپارٹی ناصر حسین شاہ نے کہا کہ حافظ نعیم سندھ اسمبلی آتے ہیں تو اچھی بات ہوگی، وہ اچھے انسان ہیں، انہیں ضرور آنا چاہیے۔